Oda Ekonomike e Kosovës njofton për publikimin e një infografike të re me të dhëna mbi tregtinë mes Kosovës dhe Shqipërisë për periudhën 2015-2024. Kjo përmbledhje vizuale ofron një pasqyrë të qartë mbi trendet dhe zhvillimet kryesore në raportin tregtar mes dy vendeve.
Oda Ekonomike e Kosovës njofton për publikimin e një infografike të re me të dhëna mbi tregtinë mes Kosovës dhe Shqipërisë për periudhën 2015-2024.
Përmes një shkrimi në ‘Facebook’ bëhet e ditur se kjo përmbledhje vizuale ofron një pasqyrë të qartë mbi trendet dhe zhvillimet kryesore në raportin tregtar mes dy vendeve.
“Infografika përmban informata rreth bilancit tregtar gjatë periudhës 2015-2024, duke përfshirë një zvogëlim të deficitit tregtar me 14.2% në vitin 2024 krahasuar me 2023, si dhe mbulueshmërinë e importit nga eksporti që arriti në 50.3%. Pjesa tjetër e infografikës tregon zhvillimet e eksportit dhe importit, ku eksportet e Kosovës kanë shënuar një rritje mesatare vjetore prej 13.3%, ndërsa importet janë rritur mesatarisht me 16.4%”, bën të ditur OEK. Po ashtu, infografika përmban detaje të strukturës së eksportit dhe importit të Kosovës me Shqipërinë për vitin 2024, të klasifikuara sipas seksioneve dhe grupeve të kapitujve, njofton rtk.