Ditë më parë, konkretisht më 16.11.2024, ndërroi jetë në Forinë të Gostivarit, znj.Halime Selmani Iseini, bija e atdhetarit nga Tupalla e Medvegjës, që njihet si „Flamurtari i Medvegjës“, Baci Liman (Shaban) Selmani dhe motra e tre vëllezërve, atdhetarëve, që jetojnë në Zvicër, Ismetit, Fadilit dhe Shabanit. Zonja Halime Selmani Iseini ishte e martuar me një atdhetarë që kurrë nuk ju tremb syri për çështjen kombëtare.
Ajo këtë e dëshmoi për 27 vite me radhë (që kur dora e zezë sllave e privoi nga bashkëshorti i saj, Dëshmori i Kombit Dr.Shpend Iseini), ku me mund e sakrificë dhe pa u nënshtruar kurrë i rriti, shkolloi dhe i drejtoi ka e mbara dy djemtë e saj të mrekullueshëm, Shpati dhe Shkëmbi.
Për më shumë detaje, po japim një shkrim nga z.Fadil Selmani, vëllau i znj.Halime Selmani Iseini, tashmë e ndjerë;
Të dashur familjarë dhe miq kudo që jeni,
Në pa mundësi për të ju shkruar secilit veq e veq, më lejoni të ju shprehi faleminderimet e mija për ndarjen e dhimbjes të madhe me familjen tonë, me rastin e ndrrimit të jetës të Motrës tonë të dashur Halime Selmani Iseini.
Është një humbje e madhe, jo vetëm për familjen tonë Kapiti, por edhe për farefisin, miqësin e shoqërin e gjërë, për dy polet shqiptare Dardanin Veri Lindore nga e ka origjinën dhe Pollogun e gjërë, ku jetoi e veproi për 34 vite me radhë.
Motra ime ishte njeriu që të gjithë e shikonim si shembull, një shtyllë e fort për të gjithë ne, një femër e fort me tipare të larta njerëzore, simbol i krenaris, moralit e nderit, një hyjnesh e rrallë si dhe model për gjdo femër shqiptare, si duhet të mbrohet dhe nderohët familja. Në përkrenarën e saj qëndronte përherë respekti për të tjerët dhe nderi i Kombit Shqiptar !
Ajo këte e dëshmoi për 27 vite me radhë, (që kur dora e zezë sllave e privoi nga Bashkëshorti i saj, Dëshmori i Kombit Dr.Shpend Iseini), ku me mund e sakrificë dhe pa u nënshtruar kurrë i rriti, shkolloi dhe i drejtoi ka e mbara dy djemt e saj të mrekullueshëm, Shpati dhe Shkëmbi!
Motra ishte engjull edhe sa ishte në kët Botë, andaj pamëdyshje do të prehët e qetë në Parajsë dhe do të kujtohet brez pas brezi deri sa t’kenë jetë edhe vetë kjo Botë !
Juve të gjithëve edhe një herë ju faleminderoi për ngushëllimet. Paqit bekimin e të Madhit Zot!
I pikëlluar dhe me respekt, ju përshëndes !
Familja Selmani Kapiti !“
Në emër të redaksisë helveticALforum i ngushëllojmë dy familjet, Selmani nga Tupalla e Medvegjës dhe Iseini nga Forina e Gostivarit.