Media italiane “Viaggiare Travel” e ka renditur Shqipërinë, një ndër gjashtë destinacionet më të mira për pushime në vitin 2025.
Në përshkrimin theksohet se Shqipëria ofron peizazhe mahnitëse natyrore, plazhe të pacenuara, kuzhinë të shijshme dhe një traditë të pasur kulturore.
‘Nëse jeni duke kërkuar për pushime që ju lejojnë të zbuloni destinacione të mrekullueshme pa shpenzuar shumë, ky vit ofron mundësi të shumta për turistët që duan një ndërthurje të qetësisë dhe kostove te përballueshme”, shkruan Alessandro Molteni në artikullin e botuar në revistën italiane të udhëtimit “Viaggiare Travel”.
“Shqipëria po fiton me shpejtësi popullaritet mes udhëtarëve që kërkojnë destinacione buxhetore për pushime verore. Vendi ofron peizazhe mahnitëse natyrore, plazhe të pacenuara, kuzhinë të shijshme dhe një traditë të pasur kulturore .
Saranda, e vendosur në bregdetin e Jonit, është një nga destinacionet më të bukura dhe më të aksesueshme në Shqipëri, me ujërat e saj të kristalta, plazhet me rërë dhe restorantet me kosto të ulët, duke e bërë atë ideale për ata që kërkojnë pushime me kosto të ulët.
Një tjetër destinacion i padiskutueshëm është Vlora, një qytet port i pasur me histori dhe me një bregdet magjepsës, perfekt për një pushim që ndërthur detin, kulturën dhe kuzhinën tipike me çmime shumë konkurruese”, shkruhet në artikull dedikuar vendit tone, njofton rtsh.