Satirë Nga Dr. Sali Sefa – ish-konsull i Republikës së Kosovës në Cyrih
Ah, po, krejt e kanë gabim — veç unë jam ai i drejtë, i madh dhe fuqiplotë! Krejt dynjaja është e prishur, njerëzit janë ziliqarë, e askush s’e kupton madhështinë time. Unë jam si një diamant në mes të baltës, por çfarë ndodh? Askush s’e sheh shkëlqimin tim!
Po pse, o Zot, pse?
Unë jam ma i forti, ma i miri, ma i mençuri… Por kur thërras me bashkëpunu, të gjithë ikin si zogjtë prej stuhisë.
Pse??? A mos vallë kanë frikë prej talentit tim? Apo thjesht janë shumë të vegjël për të më kuptu? Dreqi e mori! Jo, s’ka tjetër shpjegim — problemi është tek ata, kurrë tek unë!
Krejt janë “të këqij”, “të paaftë”, “të shurdhër ndaj gjeniut tim”. E unë, i vetmuari i shumicës,i madh, i ulur në fronin tim , pres dikë që të më vijë në konak… Por askush s’vjen. Pres të më perulen,por as ate se bëjnë! He moj bela, si me ju ra në fije? Ndoshta frikësohen nga drita ime shumë e fortë,sepse edhe drita shumë e fortë të qorron,si more unë më i dituri, se paskam ditë këtë? Ndoshta mendojnë se s’mund të përballojnë madhështinë time.I trullova me numra, si kam per atë por i kam per këtë? Dhe…asgjë kerkujt!
Këta që nuk po ma qesin kokrrën!! Janë ba trima e qyqana bashk,kanë fillu me i prish edhe shtëpitë e tyre,këstu që po me ndihmojnë mua të madhit, janë argat të mi!! Sot,mbeta pak ngusht por ua pshtjelli dyqysh , ua lyej me kos e mos unë, e kam atë djalin Stalinin de,që flet gjatë pa thënë asgjë! Po s’ka problem — unë do të vazhdoj ta ruaj këtë aureolë të vetmisë heroike.!Këta i kanë fajet, po mendojnë që po më bllokojnë e unë, këte e dua!!
Sa për pasojat,populli?! Haha! Në fund të fundit,kujt i duhet populli… kur populli nuk meriton! Sepse: Ose mi jep 500K ose dënohesh sepse i madhi jam unë e jo ti!! Prishtinë 26.10.25