Komisioni Qendror i Zgjedhjeve ka bërë të ditur një ditë më parë se ka përfunduar procesi i numërimit të votave nga zgjedhjet e 9 shkurtit.
KQZ-ja tashmë do të pres 48 orë para se të shpall rezultatet përfundimtare të zgjedhjeve për Kuvendin e Kosovës.
E referuar, ueb-faqes së KQZ-së dhe votave për kandidatët, del se kryetari i Lëvizjes Vetëvendosje, Albin Kurti është politikani më i votuar, duke thyer edhe rekordin e presidentes Vjosa Osmani e cila në zgjedhjet e vitit 2021 ishte më e votuara me 300 mijë e 788 vota. E referuar të dhënave të KQZ-së, Kurti nga votimi me kusht ka marr 4,318 vota, nga votimi i personave me nevoja të veçanta ka marr 621 vota, nga votimi përmes postës 30,508, nga votimi në përfaqësitë diplomatike, Kurti ka marr 10,792.
Ndërkaq, nga votimi në Kosovë, Kurti ka marr 290,862 vota. Në total, Albin Kurti në zgjedhjet e 9 shkurtit 2025 del se ka marr 337,101 vota, njofton telegrafi.
