Në muajin e festave kombëtare shqiptare, drejtori nga radhët e Lëvizjes Demokratike në Agjencinë e Zbatimit të Gjuhës, z. Granit Osmani, organizoi një ngjarje të veçantë në Universitetin e Europës Juglindore në Shkup – Konferencën Shkencore “Gjuha dhe etnia”.
Të pranishëm ishin gjuhëtarë dhe historianë nga Maqedonia e Veriut, Shqipëria e Kosova, poashtu me prezencë na nderoi dhe Zëvendës kryeministri i Parë, Izet Mexhiti, Ministri i Politikës Sociale, Demografisë dhe Rinisë, Fatmir Limani, dhe Kryetari i Komunës së Çairit Visar Ganiu. Në fokus të diskutimeve ishin identiteti kombëtar, roli i gjuhës shqipe dhe bashkëpunimi kulturor.
Konferenca u përmbyll me promovimin e librave të Mal Berishës dhe Bardhyl Musait, si dhe ndarjen e mirënjohjeve për kontributin shkencor të pjesëmarrësve.
Një ngjarje që thekson rëndësinë e gjuhës si faktor bashkimi dhe ruajtës i trashëgimisë sonë kombëtare! (Lëvizja demokratike), përcjell opentv.
