/ Nga Ismet Rashiti, veprimtar, gazetar, publicist, dramaturg, poet
Ka vite që Nexhmedin Caka shkruan thënie që lidhen kryesisht me jetën e përditshme, kulturën dhe formimin e njeriut në përgjithësi. I prirë të korrigjojë çdo devijim, apo të metë individuale dhe shoqërore, autori bën përpjekje të japë variantin e tij më të mirë për atë se si duhet të ecë një shoqëri e përparuar, natyrisht duke formuar njerëz të ditur dhe me kulturë të lartë bashkëkohore.
Ai, si të thuash, mallkon fatin e njerëzve të mbyllur brenda një guace, sepse njohuritë e tyre nuk mund të marrin udhë siç duhet. Përkundrazi, ato ndodhen të ngujuara brenda një rrethi të caktuar, ku vetëdija e tyre nuk kalon përtej thashethemeve dhe përgojimeve, shpesh duke mos e kuptuar fare emancipimin dhe vlerat kulturore të njeriut në shekullin XXI. Në këso rrethanash, padyshim se njerëzit me pikëpamje të avancuara bien viktima të mediokritetit dhe diletantëve të ndryshëm.
Thëniet e Nexhmedin Cakës shpesh kanë edhe një dimension qortues ndaj sjelljeve negative të njerëzve në familje apo shoqëri. Disa raste duken të jenë të ashpra dhe me një gjuhë jo aq të zgjedhur, por këto nuk e zbehin në asnjë rast objektivin dhe karakterin përmbajtësor të tyre.
***
Shkencërisht është vërtetuar se njeriu, sa do ta ketë jetën e izoluar, aq do ta ketë edukatën më të kufizuar! Ndonëse jam adhurues i LVV-së, nuk pajtohem me gjuhën e pamatur të Kurtit në mbrëmjen e festës së fitores!
Akademia pasive e një shteti i ngjanë njeriut në komë!
Çdo gjë e humbur mund të gjendet, ndërsa mendjen e humbur nuk mundesh me gjetë!
Shqiptari i skllavëruar nga besimi fetar dhe asimilimi i tij në aspektin kombëtar, Atdheu si mbanë eshtart e tij!
Aftësia e një njeriu arrin në kulm, kur në momentet më të vështira arrinë ta mbaj veten! Të gjithë ata që ranë për Atdhe, liri e flamur, do të mbeten në histori dhe nuk do të harrohen kurrë! Vjedhësit e shtetit, e varfëruan popullin dhe e pasuruan vetë!
Njerëzit që tallen me fatin e vet, gëzimin dhe lumturinë i vrasin në jetë!
Qenit që lehë pa asnjë shkak, kurr mos iu frikoni dhe mos u bëni merak!
Njeriu i cili me lajka ta rrahë shpinën, i njejti prapa shpine ta hapë greminën!
Thëniet e rënda të fëmijës, të vrasin më rëndë se plumbi!
Jeta është si ëndërr gjumi sepse ecën pandalur sikurse uji i lumit, por fundin e ka fatal se nuk ti ndalë vuajtjet!
Kurrë mos mbiftë ajo farë që Atdheun e vet e hedhin në pazar!
Njerzëve që e thonë të vërtetën, do t’u largohen miqtë, do të mbeten vetëm!
Gjysmë e vërteta është shumë e brishtë. Në fund mund të dalë gënjeshtër e dyfisht!
Njerzit që ushqehen me thashetheme, vetes dhe rrethit i sjellin vetëm dëme!
Njerzit që kanë mundësi të qëndrojnë të qetë para urrejtjeve ngado që vinë, do ta shkulin të keqën sapo ajo të mbinë!
Varfnjaku me mendësi borgjezi, rënien e muzkut i duket si agu i një mëngjesi!
Intelektuali i mirëfillt e ka për detyrë morale ti tregojë të vërtetën kombit të vet!
Vitet ikin si një kolonë e pambarim, jeta më në fund përfundon në amshim!
Njerzit që nuk i japin fund padrejtësisë, janë servilët më besnikë të politikës shoviniste të Serbisë!
Liria e një vendi shpesh është viktimë e të paditurve!
Patriotizmi nuk blihet në treg!
Sinqiriteti dhe puna me nderë ndihmojnë t’a kalosh çdo barierë!
Peshorja më e saktë e njeriut është ndërgjegjia e tij!
Virtuti më i çmueshëm te një njeri është modestia! ( Foto ilustrim)