Borussia Dortmund ka vendosur të shkarkojë trajnerin Nuri Şahin pas humbjes të së martës në Ligën e Kampionëve me Bolonjan. Kjo ishte humbja e katërt në po aq ndeshje në vitin 2025.
Dortmundi humbi një epërsi dhe pësoi një humbje 2-1 në Itali, duke e çuar në vetëm një fitore nga nëntë ndeshjet e fundit konkurruese që prej muajit nëntor. Kjo ecuri e dobët ka duke shtyrë klubin që të marrë këtë vendim.
“E vlerësojmë shumë Nuri-n dhe punën e tij. Doja të punonim së bashku për një kohë të gjatë dhe deri vonë shpresonim se mund të ndryshonim situatën. Megjithatë, tani kemi humbur besimin se mund të arrijmë qëllimet tona sportive me organizimin aktual. Ky vendim më ka lënduar personalisht, por pas ndeshjes në Bolonjë ishte i pashmangshëm,” tha drejtori menaxhues Lars Ricken në një deklaratë të klubit të mërkurën në mëngjes.
Şahin u emërua trajner i Borussia Dortmund në qershor të vitit të kaluar, duke pasuar Edin Terzić, ndërsa ai kishte qenë asistent trajner që prej janarit 2024.
Ish-lojtari i BVB, Liverpool, Real Madrid, Werder Bremen dhe Antalyaspor drejtoi ekipin në 27 ndeshje konkurruese, duke fituar 12, humbur 11 dhe barazuar 4 herë.
36-vjeçari largohet nga Signal Iduna Park me ekipin në vendin e 10-të në Bundesligë pas humbjeve ndaj Bayer Leverkusen, Holstein Kiel dhe Eintracht Frankfurt këtë vit.
Totali i tyre prej 25 pikësh nga 18 ndeshje – shtatë më pak se katërshja e parë – është më i ulëti që nga sezoni i fundit i Jürgen Klopp, kur ata përfunduan në fund të renditjes me vetëm 16 pikë, por arritën të kualifikoheshin për në Evropë.
Humbja në Bologna bëri që Dortmund të bjerë në vendin e 13-të në grupin e Ligës së Kampionëve, megjithatë ata janë ende të pozicionuar mirë për t’u kualifikuar për play-off-et me eliminim direkt përpara ndeshjes finale në shtëpi ndaj Shakhtar Donetsk javën e ardhshme.
Në anën tjetër, Dortmundi u eliminua nga Kupa DFB në raundin e dytë nga Wolfsburg në tetor.
Şahin po ashtu komentoi largimin e tij: “Fatkeqësisht, nuk ia dolëm të përmbushim ambiciet sportive të Borussia Dortmund këtë sezon. I uroj këtij klubi të veçantë çdo të mirë.”
Vendimi për pasardhësin e tij do të shpallet së shpejti. Ndeshja e radhës e Dortmundit është në shtëpi ndaj Bremenit të shtunën, ku trajneri i ekipit të U19, Mike Tullberg, do të udhëheqë skuadrën, e pasuar nga përballja evropiane me Shakhtarin të mërkurën, njofton euronewsal.