Barcelona ka refuzuar mundësinë për të marrë Alejandro Garnacho, sipas El Nacional. E ardhmja e sulmuesit argjentinas në Old Trafford është vënë nën dyshim pas ardhjes së Ruben Amorim.
Garnacho ishte një yll me trajnerin e mëparshëm Erik ten Hag, por ka parë minutat e tij të zvogëlohen nën drejtimin e Amorim. Madje, 20-vjeçari u mbajt jashtë skuadrës për Derbin e Mançesterit, së bashku me Rashford. Përfaqësuesit e lojtarit nuk janë të kënaqur me situatën dhe po shqyrtojnë opsionet e tyre. Ata tani kanë kontaktuar Barcelonën për të ofruar shërbimet e tij.
Argjentinasi ka regjistruar tetë gola dhe katër asiste në 25 ndeshje në të gjitha ndeshjet e luajtura në total për Djajtë e Kuq këtë sezon. Ai mund të jetë një opsion për katalanasit, veçanërisht pasi Ferran Torres dhe Ansu Fati mund të largohen. Megjithatë, Hansi Flick nuk e do Garnacho-n. Gjermani ka dyshime nëse argjentinasi do t’i përshtatej taktikave të tij në Camp Nou. Flick me sa duket beson se argjentinasi mund të mos përshtatet mirë edhe me filozofinë e tij. Ndërkohë, lojtari ka një kontratë me Manchester United deri në vitin 2028, kështu që ata mund të kërkojnë një shumë të lartë për kartonin e tij, njofton oranews.