Tefik Bajrami, boksieri i njohur që jeton dhe vepron në Zvicër, ka vizituar sot Kosovën së bashku me miq zviceranë, duke nisur udhëtimin e tij me një ndalesë në Kompleksin Memorial “Adem Jashari”.
Ai shprehu mirënjohjen për miqësinë mes shqiptarëve dhe zviceranëve, duke theksuar se Zvicra është si një “atdhe i dytë” për shumë shqiptarë. “Miqtë zviceranë kanë respekt të madh për ne shqiptarët. Po e vizitojmë vendlindjen time dhe do të kënaqemi,” tha Bajrami, duke paralajmëruar edhe vizita të tjera në vendlindje.
Ai gjithmonë ishte dhe është i lidhur me atdheun e tij dhe çështjen kombëtare në përgjithësi. Bajrami është boksieri i parë shqiptar që ka fituar titullin e kampionit të Evropës në Kosovë.
Tefik Bajrami dhe vëllai i tij Xhaviti (ish kampion bote në Kikboks) kanë filluar karrierën te trajneri i legjendar, tash i ndjerë Andy Hug. Familja Bajrami është e njohur jo vetëm në kontributin për të mirën e çështjes kombëtare, por edhe në sport e në bëmirësi.
helveticALforum
