Listës së anëtarësisë së Shoqatës Humanitare “Lugina e Preshevës” në Zvicër iu shtua edhe kampioni në sportin e boksit, njëherit bëmirësi e atdhetari, Tefik Bajrami që jeton e vepron me familje në Zvicër. Tefiki është i njohur jo vetëm në Zvicër, por gjithandej.
Ai gjithmonë ishte dhe është i lidhur me atdheun e tij dhe çështjen kombëtare në përgjithësi. Bajrami është boksieri i parë shqiptar që ka fituar titullin e kampionit të Evropës në Kosovë. Tefik Bajrami dhe vëllai i tij Xhaviti (ish kampion bote në Kikboks) kanë filluar karrierën te trajneri i legjendar, tash i ndjerë Andy Hug. Familja Bajrami është e njohur për bëmirësi dhe sot po përgadisin sportistë të rinjë në Zvicër. Anëtarësia e tij në këtë shoqatë e dëshmon, se Lugina e Preshevës kurrë nuk do të jetë e harruar edhe nga veprimtarë të trevave të tjera shqiptare.
helveticALforum