Asociacioni Qytetar Bujanoci dhe FC Besa përmbyllën me sukses pjesëmarrjen në turneun prestigjioz “Dardania Cup,” që u zhvillua në St.Gallent të Zvicrës një nga ngjarjet më të mëdha sportive në rajon, ku morën pjesë 64 ekipe nga treva të ndryshme dhe më gjerë.
Ekipi tregoi një performancë të jashtëzakonshme që nga ndeshjet e para te turneut, duke kaluar fazën e grupeve me rezultate të shkëlqyera dhe duke ecur me siguri drejt fazes eliminatore. Ata arritën deri në 1/8-en e finales, duke u renditur ndër 16 ekipet më të mira të turneut.
Gjatë turneut, FC Besa u vleresua jo vetëm për performancen në fushë, por edhe per sjelljen shembullore dhe respektin ndaj kundërshtarëve, duke fituar zemrat e publikut dhe organizatoreve. Në fund të turneut, Asociacioni Qytetar Bujanoci dhe FC Besa u shperblyen me çmimin prestigjioz “Ekipi më Fair Play,” duke treguar se futbolli është më shumë se sa një lojë – është frymë solidariteti dhe bashkëpunimi. Faleminderit nga zemra Bujanocas, Ju keni dëshmuar se Bujanoci është shumë më tepër se një qytet – është një familje e madhe që bashkohet për të mbështetur ekipin e zemrës
Nga Asocacioni Qytetar Bujanoci në Zvicër