/ Përgaditi: Dashnim HEBIBI, Luzern /
Një jetë e pavarur – Përmes artit drejt barazisë”
Luzern, 29 Maj 2025 – Artistja dhe studentja e Masterit në Critical Image Practices në Hochschule Luzern – Design, Kunst & Film, Nexhibe Imeri, fton publikun në një ngjarje të veçantë që ndërthur artin me aktivizmin dhe diskursin shoqëror mbi barazinë gjinore.
Ekspozita dhe prezantimi i projektit të diplomës me titull „Ein selbstbestimmtes Leben – Mittels Kunst zur Gleichstellung“ (Një jetë e pavarur – Përmes artit drejt barazisë) do të mbahet më 14 Qershor 2025, nga ora 16:00 deri në 18:30, në Bibliotekën HSLU, Arsenalstrasse 28a, 6010 Luzern-Kriens. Pas ngjarjes do të ofrohet një Apero i vogël dhe miqësor.
Projekti eksploron format e padukshme të pabarazisë gjinore, strukturat patriarkale dhe diskriminimin e institucionalizuar që vazhdojnë të ndikojnë jetët e grave – edhe në shoqëri të cilat ligjërisht janë të avancuara. Përmes artit vizual dhe diskutimeve publike, Imeri synon të nxisë reflektim dhe ndërgjegjësim për barazi të vërtetë.
Programi i ngjarjes përfshin:
- Prezantimin e veprave të diplomës (pikturë dhe instalacion)
- Panel diskutimi me të ftuar të shquar:
- PhD. Dashnim Hebibi – ambasador i paqes, autor, themelues i HelveticForum, kryeredaktor i Qendrës Mediale Shqiptare SAM24.info
- Zita Küng – juriste, autore dhe aktiviste feministe
- Prof. Dr. Nika Spalinger – pedagoge arti me fokus në artin si mjet aktivizmi
- (në pritje të konfirmimit) një sociologe e njohur nga Zvicra
- Ngjarja do të dokumentohet me fotografi dhe video nga Daut Luboja dhe do të mbulohet nga mediat sam24.info, helveticforum.ch, botasot.info dhe luzernerzeitung.ch.
Ekspozita do të qëndrojë e hapur për publikun nga 12 Qershor deri më 10 Korrik 2025.
Vëmendje: Pjesëmarrja është e kufizuar në vetëm 40 persona dhe kërkohet konfirmim deri më 12 Qershor 2025 në: nexhibe.imeri@stud.hslu.ch
Njoftojmë lexuesit se së shpejti do ta kemi një intervistë ekskluzive me znj. Imeri, një personalitet shumë i njohur, modeste, por që rrallë ka pasur mundësi të jetë nëpër mediat tona.
Moderatorja, njëherit artistja znj. Joanna Jenny, do ta moderoj këtë aktivitet.
Njoftojmë lexuesit se së shpejti do të publikojmë një intervistë ekskluzive me znj. Nexhibe Imeri – një artiste e talentuar dhe tejet e përkushtuar, e cila, megjithëse ende pak e njohur për komunitetin tonë për shkak të modestisë së saj, po shpalos një punë të jashtëzakonshme.
Aktualisht ajo ndodhet në fazën finale të përgatitjes së projektit të saj diplomues. Ajo meriton vëmendjen dhe përkrahjen tonë të plotë.
SAM24.info