Nënkampioni i Evropës në karate, Orges Arifi, është graduar me gradën Nënkolonel nga Ministria e Mbrojtjes e Republikës së Shqipërisë.
Kjo përbën një arritje të jashtëzakonshme për sportistin nga Kosova, i cili prej vitesh përfaqëson me dinjitet shtetin shqiptar në arenën ndërkombëtare të karatesë.
Gradimi i Arifit vjen si vlerësim për rezultatet e larta sportive, disiplinën, përkushtimin dhe kontributin e tij të vazhdueshëm, duke dëshmuar se sporti dhe shërbimi ndaj shtetit ecin krah për krah. Një tjetër sukses që nderon jo vetëm Orges Arifin, por edhe sportin mbarëkombëtar shqiptar.
“Në bazë të rezultateve sportive dhe kontributit tim në sport, jam graduar nga Ministria e Mbrojtjes me gradën Nënkolonel.
Kjo është një vlerësim që më motivon edhe më shumë të vazhdoj rrugën time me përkushtim, disiplinë dhe përgjegjësi.
Falënderim i sinqertë për të gjithë ata që më kanë mbështetur në këtë rrugëtim”, ka shkruar Arifi në profilin e tij në fccebook./KG/BS
