Është botuar së fundmi libri më i ri me poezi “Relacioni Ekzil” i autorit Skënder Berisha, një vepër që pritet të zgjojë interes të veçantë në mesin e dashamirësve të letërsisë shqipe.
Lajmi u bë i ditur nga editori Berat Thaçi, përfaqësues i Shtëpisë Botuese “Libri im”, një ndër shtëpitë botuese të njohura, e cila ndër vite ka sjellë në dritë botime të rëndësishme dhe vazhdon të mbështesë krijimtarinë e autorëve dhe personaliteteve të ndryshme, njofton helveticALForum.ch. Sipas Thaçit, “Relacioni Ekzil (Poezi)” përfaqëson një përmbledhje të ndjerë poetike, ku autori Skënder Berisha trajton tema të thella si mërgimi, identiteti, ndarja dhe reflektimi shpirtëror. Libri vjen si një kontribut i veçantë në poezinë bashkëkohore, duke sjellë një zë autentik dhe emocional.
Shtëpia Botuese “Libri im” vazhdon të dëshmojë përkushtimin e saj edhe ndaj promovimit të vlerave letrare, duke botuar vepra që pasurojnë kulturën dhe mendimin kritik. Botimi i këtij libri është një tjetër hap në rrugëtimin e saj drejt mbështetjes së autorëve dhe zhvillimit të letërsisë shqipe.
“Relacioni Ekzil” tashmë është në qarkullim dhe i disponueshëm për lexuesit, duke ftuar publikun të zbulojë botën poetike të Skënder Berishës përmes vargjeve të tij, transmeton helveticALForum.ch.
