Nga Atdhe GECI – Roganë, 2024
Nëpër çdo shtëpi të Roganës e të Atdheut
gjuha shqipe është identiteti i gjakut tonë
gjuhë perëndie që nga kohërat e kryeherit
dhe gjuhë pellazg-ilire me këmbë në tokë
Në Roganë shqip e shqipëri janë brenda,
aty është folea ime ku Kodra e Brijës flet
shqip dhe Guri i Gjatë nalton këngën e tij
Eci udhës së livadheve me fytyrë të barit
në kraharor unë kam plot motive për Iliri
ardhja e muzës s´di kur do të ndodhë, por
në një moment të caktuar do të jetë te unë
dhe do më nxisin të shkruaj dhe t´i botoj.
Muza më bëri që ky libër i Iliadës shqipe
të shkruhet, të botohet dhe të lexohet nga
ata që librin e duan për idetë dhe porosinë
Dje isha në Roganë për ta përqafuar atë
botë t´vendlindjes, barin me ngjyrë lulesh
qiejt e nënës shtëpi dhe Kodrën e Brijës
lisat e hijshëm dhe pemët, pikat e ujit të
krojeve, dhe natyrën e paanë të Roganës
Harta gjuhës shqipe është shumë e gjërë
njëjtë me hartën e kujtesës dhe të krijimit
dhe e njëjtë me hartën e të dashuruarve
Roganë, unë të ndjej ty si shpirtin e kohës!
helveticALforum.ch
