Në një takim të veçantë në Konsullatën e Republikës së Kosovës në Cyrih, shefi i misionit konsullor, Z. Vigan Berisha, priti znj. Amina Nuraj, drejtuese e Zyrës së Këshillit Kombëtar Shqiptar në Pazarin e Ri.
Gjatë takimit u diskutuan çështje me interes të përbashkët, si dhe u theksua rëndësia e bashkëpunimit institucional në mbështetje të komunitetit shqiptar në këtë rajon. Z. Berisha vlerësoi angazhimin e znj.
Nuraj në përfaqësimin dhe avancimin e të drejtave të shqiptarëve, duke theksuar sfidat e vazhdueshme me të cilat ajo përballet nga autoritetet në Beograd. Ky takim thekson përkushtimin e institucioneve të Kosovës për të ndihmuar dhe mbështetur komunitetin shqiptar jashtë vendit, si dhe rëndësinë e bashkëpunimit të drejtuesve lokalë dhe konsullatës për të forcuar zërin e shqiptarëve në rajon, transmeton helveticALforum.ch
