Zürich, 04 shkurt 2026 – Siç njofton portali helveticALforum.ch, sot shefi i Misionit Konsullor të Republikës së Kosovës në Cyrih, z. Vigan Berisha, është nderuar me një mirënjohje të veçantë.
Me këtë rast, z. Berisha është shprehur ndër të tjera:
“Nuk ka dhuratë më të çmuar se kjo me logon e Ushtrisë Çlirimtare të Kosovës, të cilën sot kisha nderin dhe kënaqësinë ta pranoj nga z. Milaim Sylejmani, veteran i UÇK-së, ish-shef i Operativës së Brigadës 173 ‘Gursel e Bajram Sylejmani’, në ambientet e Konsullatës së Republikës së Kosovës në Cyrih.”
Ai ka falënderuar publikisht z. Sylejmani për këtë gjest domethënës, duke theksuar vlerën historike dhe emocionale që mbart një mirënjohje e tillë.
Modestia dhe përkushtimi i z. Vigan Berisha janë të njohura gjerësisht në mesin e mërgatës shqiptare në Zvicër. Me angazhimin e tij të përditshëm, ai po rrit vazhdimisht reputacionin jo vetëm te mërgata kosovare, por edhe te shqiptarët nga të gjitha trevat, duke u shndërruar në një figurë respekti dhe besimi institucional, transmeton helveticALforum.ch
Përgatiti D. H
