Sekretari amerikan i Shtetit, Marco Rubio, tha se telefonata e presidentit amerikan Donald Trump me liderin rus Vladimir Putin zgjati më shumë se biseda e tij me presidentin ukrainas Volodymyr Zelensky sepse Putin kishte nevojë për përkthyes, ndërsa Zelensky flet rrjedhshëm anglisht.
Rubio tha se biseda midis Trump dhe Zelensky, e cila u zhvillua më 12 shkurt, zgjati 45 minuta, tha Departamenti i Shtetit, siç raporton “Drejtësia e Ukrainës”.
Trump deklaroi se biseda e tij me Putinin zgjati më shumë se një orë, ndërsa Kremlini tha se zgjati një orë e gjysmë.
Të mërkurën, presidenti amerikan foli fillimisht me Putinin dhe më pas me Zelenskyn për fillimin urgjent të negociatave për t’i dhënë fund luftës.
Duke folur për kontaktin e tij të parë të konfirmuar me Putinin që nga kthimi i tij në Shtëpinë e Bardhë, presidenti amerikan u tha gazetarëve në Shtëpinë e Bardhë të mërkurën se kishte pasur një bisedë “të gjatë dhe shumë produktive” me Putinin, njofton euronewsal.
