Rreth 68,000 vende pune në Itali kërcënohen nga tarifat e vendosura nga presidenti amerikan Donald Trump, njoftoi sot Zyra e Buxhetit Parlamentar Italian (UPB).
Siç raporton agjencia italiane e lajmeve ANSA, zyra paralajmëroi se e gjithë ekonomia italiane mund të kërcënohet me pasoja negative për shkak të këtyre masave tregtare. Sipas planeve të Trump, Italia, e cila ka një suficit të madh tregtar me Shtetet e Bashkuara, do t’i nënshtrohet një tarife totale prej 20 për qind, së bashku me vendet e tjera të Bashkimit Evropian, njofton euronewsal.
