Presidenti i Republikës, Bajram Begaj, ka përcjellë këtë të diel një mesazh urimi për besimtarët që festojnë Pashkët ortodokse.
Në këtë ditë feste, Presidenti Begaj uron që drita e pranisë së Zotit të ndriçojë jetën e njerëzve me besim, shpresë dhe gëzim.
“Me këtë pamje nga mrekullia e dritës që ndezi mbrëmë zemrat e besimtarëve, ju uroj: Gëzuar Pashkën, të dashur besimtarë ortodoksë shqiptarë.
U përhaptë kudo drita e pranisë së Zotit dhe ndriçoftë jetën tuaj me besim, shpresë dhe gëzim!”, ka shkruar Begaj, transmeton euronewsal.
