Kombëtarja e Kosovës pak ditë më parë zyrtarizoi afrimin e mesfushorit Leon Avdullahu tek ‘Dardanët’.
Avdullahu do të jetë tani e tutje një forcë e shtuar për përzgjedhësin Franco Foda dhe tashmë ka marrë ftesën për dy ndeshjet që Kosova do t’i luajë në shtator në kuadër të kualifikimeve për Kupën e Botës 2026.
Megjithatë, duket se Kosova nuk është mjaftuar vetëm me Avdullahun, pasi presidenti i FFK-së, Agim Ademi, është takuar edhe me mbrojtësin Albian Hajdari.
“Jam i lumtur që unë si sponsor i klubit TSG Hoffenheim, në këtë kohë kur në formacion te ekipit janë tre futbollistë të Kosovës, njëkohësisht të ftuar kishim ne këtë ndeshje me ftesë të klubit Hoffenhei, presidentin e Federatës, Agim Ademin dhe Bajram Shalën. Bashkë për Kosovën”, ka shkruar Afrim Osmanaj, i cili mirëpriti delegacionin nga Kosova.
