Në një akt solemn institucional, Presidentja e Republikës së Kosovës, Vjosa Osmani, do t’ia dorëzojë zyrtarisht detyrën Kryetares së Kuvendit, Albulena Haxhiu, sot në orën 16:00.
Sipas njoftimit për media nga Zyra e Presidentes, ceremonia e dorëzim-pranimit do të mbahet në Kabinetin e Presidentes dhe pritet të zhvillohet në një atmosferë zyrtare, duke reflektuar rëndësinë institucionale të këtij tranzicioni.
“Në orën 16:00, Presidentja e Republikës së Kosovës, Vjosa Osmani ia dorëzon detyrën Kryetares së Kuvendit të Republikës së Kosovës, Albulena Haxhiu. Akti ceremonial i dorëzim-pranimit të detyrës do të mbahet në Kabinetin e Presidentes”, thuhet në komunikatën për media.
Ky zhvillim vjen në një moment të rëndësishëm për institucionet e vendit, duke shënuar një fazë të re në ushtrimin e përgjegjësive shtetërore. Ceremonia pritet të ndiqet me interes nga opinioni publik dhe përfaqësuesit institucionalë, transmeton rtk, përcjell helveticALForum.ch.
