Norma hipotekare referente për qiratë në Zvicër mbetet e pandryshuar. Për qiramarrësit, kjo do të thotë se në shumicën e rasteve nuk pritet ulje e qirasë.
Sipas njoftimit të Zyrës Federale për Banesa (BWO) të hënën, norma mesatare e interesit, e llogaritur më 30 shtator 2025, ka rënë nga 1,37 për qind në 1,33 për qind krahasuar me tremujorin e mëparshëm.
Megjithatë, siç kërkon ligji mbi qiratë, norma referente rrumbullakohet dhe kështu, nga 2 dhjetori 2025, ajo mbetet 1,25 për qind. Ajo do të ndryshojë vetëm kur norma mesatare të bjerë nën 1,13 për qind ose të ngjitet mbi 1,37 për qind.
Për të zbuluar në cilën normë interesi bazohet qiraja aktuale, qiramarrësit zakonisht mund të konsultojnë kontratën e qirasë. Ndryshe është rasti për kontratat me qira të indeksuara, qira të shkallëzuara ose qira të bazuara në xhiro për hapësirat tregtare. Për banesat e subvencionuara, shpesh vlejnë rregulla të veçanta, transmeton 20min.ch, përcjell helveticALforum.ch ( Foto ilustrim)
