Pavarësisht sukseseve të mëdha, pavarësisht kualifikimit historik në play-off në Conference League në futboll, pothuajse në të gjitha ndeshjet si nikoqire, Shkëndija e Tetovës, kampioni i Maqedonisë së Veriut, nuk pati mbështetjen e nevojshme nga tribunat.
“Dhe sonte Arena ishte pothuajse bosh. Është për të ardhur keq që mysafirët nga Turqia patën më shumë mbështetje, tifozët e tyre ishin të paktën 1,500, dhe ata të Shkëndijës, “Ballistët” ndoshta dy herë nëse jo tre herë më pak.
Është për të ardhur keq, ky është një sezon historik për Shkendijën, për futbollin maqedonas dhe kampioni ynë meritonte më shumë mbështetje, veçanërisht nga tifozët e tij”, shkruan media maqedone “Ekipa”. Shkëndija pësoi humbje me rezultat 1:0 nga Samsunspor./K.Goca/BS
