Teksti dhe foto Dashnim HEBIBI
Winterthur, 29 nëntor, 2025 – Një atmosferë e jashtëzakonshme festive bashkatdhetarët e të gjitha trevave shqiptare gjithandej Zvicrës mbushën sallën e Hotel Zentrum Töss në Winterthur, ku mbrëmja kulturore e organizuar nga Ansambli “TROJET” u zhvillua me pjesëmarrje të jashtëzakonshme dhe me energji të veçantë për nder të 28 Nëntorit – Ditës së Flamurit dhe të Pavarësisë. Tingujt e muzikës, vallet, arti dhe tradita shqiptare e bënë këtë natë një përjetim të paharrueshëm. Me një skenë super të bukur ku valonte flamuri kuq e zi.
Të pranishëm personalitete të shumta
Në mesin e qindra bashkatdhetarëve të ardhur nga të gjitha trevat shqiptare, mbrëmja u nderua edhe nga përfaqësues të institucioneve shqiptare:
– Ambasadori i RMV-së në Zvicër, Shkëlqesia e Tij Rexhep Demiri
– Zv. ambasadorja e Kosovës në Bernë, znj. Shukrije Ramadani
– Zv. konsullja e Kosovës në Cyrih, znj. Ardita Mustafa.
Gjithashtu të pranishëm ishin personalitete të njohura të komunitetit shqiptar në Zvicër:
Prof. Dr. Xhavit Lipaj, Atdhetari, Sejdi Gega, Gani Bytyçi, Naser Ulaj, kryetar i LAPSH-it për Cyrihun, Florim Useini, Nadi Zendeli, Amarildo Sterkaj, Kristian Cuku,
si dhe shumë figura të tjera të respektuara nga fusha të ndryshme të jetës shoqërore dhe kulturore.
Arti në qendër të mbrëmjes
Programi nisi me inaugurimin e ekspozitës personale të artistes Valbona Gashi, “Gjurmët në Medalion”, një udhëtim artistik që flet për kujtesën, identitetin dhe rrënjët shpirtërore shqiptare.
Pas ekspozitës, skena iu dha artit dhe traditës së pastër shqiptare me një program të pasur të Ansamblit “TROJET” dhe artistëve të ftuar:
– Kori i grave “Lyra” nga Cyrihu
– Motrat Luljeta & Drita Fetahu
– Vëllezërit Arbnor & Rrezart Kuqi
– Marisa Murtezi
– Melisa Tafili
– Eliza Zeqiri
Një nga momentet më emocionuese të mbrëmjes ishte dalja në skenë e lahutistit të njohur Baca Shaqë, i cili me lahutën e tij solli tingujt kreshnikë që prekin thellë shpirtin shqiptar dhe lidhin mërgatën me rrënjët dhe historinë e saj.
Mbrëmja e organizuar për mrekulli
Moderimin e udhëhoqi me profesionalizëm Sherife Zeqiri, ndërsa për pjesën teknike, tingullin dhe orkestrimin u kujdes mjeshtërisht Liridon Pervorfi.
Një natë bashkimi, krenarie dhe identiteti
Kjo mbrëmje festive nuk ishte thjesht një koncert, por një takim i madh shpirtëror, një përqafim i gjuhës, traditës dhe identitetit kombëtar, ku çdo zemër shqiptare rrahu në një ritëm.
Ansambli “TROJET” falënderon të gjithë pjesëmarrësit dhe miqtë e kulturës shqiptare për prezencën dhe mbështetjen e tyre.
Kryetari i ansamblit “TROJET”, z. Zeqë Gashi dhe sekretari Taip Zeqiri, të shoqëruar nga kryesia dhe prindërit, i mirëpritën të gjithë mysafirët si duhet, dhe të gjithë u ndanë të kënaqur me programin dhe organizimin.
Për një pasqyrim të plotë, me prononcime, fotografi dhe detaje nga mbrëmja, së shpejti do të lexoni artikullin e zgjeruar në helveticALforum.ch
