Shtëpia Botuese “Libri im” me qendër në Pejë ka publikuar sot librin më të ri të autorit Blerim Hakaj, i cili mban titullin “Çelësi i arritjes financiare – Doracak udhëzues”.
Ky botim i ri sjell një qasje praktike dhe të kuptueshme mbi mënyrat për të arritur stabilitet dhe sukses financiar. Libri paraqet këshilla, strategji dhe metoda të strukturuara që synojnë t’i ndihmojnë lexuesit të ndërtojnë një bazë të fortë financiare dhe t’i shfrytëzojnë potencialet e tyre në drejtim të zhvillimit personal dhe profesional.
Me një kopertinë tërheqëse dhe përmbajtje motivuese, “Çelësi i arritjes financiare” vjen si një udhëzues i çmuar për këdo që dëshiron të ndërmarrë hapa konkretë drejt një të ardhmeje më të sigurt ekonomikisht.
Libri tashmë është i disponueshëm për lexuesit dhe mund të gjendet përmes Shtëpisë Botuese “Libri im”.
Në Pejë po vazhdon të rritet numri i botimeve që synojnë edukimin financiar dhe fuqizimin e lexuesve, dhe ky libër është një tjetër dëshmi e këtij kontributi, transmeton helveticALforum.ch
