Përgatiti Dashnim HEBIBI
Isa Maliqi, një emër i njohur në radhët e atdhetarëve shqiptarë, prej vitesh jeton dhe vepron në Zvicër, por zemrën e ka të lidhur fort me Kosovën dhe me njerëzit e saj. Kohët e fundit ai është bërë edhe më i pranishëm në rrjetet sociale, duke ndarë fotografi nga ecjet e tij të shpeshta nëpër natyrën e mrekullueshme zvicerane, shoqëruar me fjalë të ngrohta e plot urtësi për miqtë e tij kudo që ndodhen.
Zemërbardhësia e Isa Maliqit është e njohur për të gjithë ata që e kanë takuar. Në ditët më të vështira për Kosovën, ai ishte në krah të shumë atdhetarëve të tjerë, duke u bërë pjesë e përpjekjeve për lirinë dhe dinjitetin e vendit. Sot, ai vijon të frymëzojë, por në një formë tjetër: duke shpërndarëedhe energjinë pozitive që e gjen në natyrë.
Djathtas Isa Maliqi së bashku me mikun e tij Sulejman Syla Sadiku
Pas një dite të mbushur me ecje dhe reflektime pranë liqenit të Lungernit i shoqëruar me mikun e tij Sulejman Syla Sadiku, një personalitet i njohur, ku Maliqi ndau edhe këtë mesazh domethënës:
“Lumturia nuk banon në prona e as në ari,
lumturia banon në shpirtin e pasur.”
Sot, së bashku me mikun e tij Sylën, ai kaloi momente të veçanta nën rrezet e një dielli të ngrohtë, duke evokuar kujtime nga e kaluara dhe duke parë me shpresë drejt së tashmes e së ardhmes.
Në mbyllje të ditës, ai uroi me sinqeritet:
“Urojmë një mbrëmje të mbarë për të gjithë njerëzit e mirë!”
Me shembullin e tij, Isa Maliqi na kujton se lumturia shpesh gjendet në gjërat më të thjeshta: në natyrë, në miqësi dhe në shpirtin e pasur që di të ndajë mirësi me të tjerët, transmeton helveticALforum.ch (Foto nga z.Maliqi)
