Xhaka është prej futbollistëve më të mirë në petkun e skuadrës së kampionit gjerman, Bayer Leverkusen. Streller ka dhënë deklaratë që pak kush e ka pritur për Granit Xhakën. Eksperti i futbollit Marco Streller në “Blue Sport”, pra. 37-herë që ka veshur fanellën e Zvicrës, mund të imagjinojë që Granit Xhaka të transferohet te Real Madrid.
A do të luajë së shpejti Xhaka për Real Madridin?
Me shfaqje të tilla, nuk do të ishte befasuese nëse karriera e Xhakës do të vazhdonte në një nivel evropian pas Leverkusenit, beson Streller: “Mund ta imagjinoj mirë se nëse Xabi Alonso shkon te Real Madridi dhe Luka Modriç largohet, mund të ndodhë.
Alonso e di se Xhaka ishte vendimtar në suksesin e Leverkusenit”. Kjo deklaratë është sa e papritur aq edhe befasuese për shumëkënd. Gjithçka është e mundshme që kapiteni i Zvicrës të jetë pjesë e kampionit të Evropës, nëse i referohemi kësaj deklarate bombastike të Strellerit./K.Goca
