Duke i dhënë fund bashkëpunimit mes palëve. Vendimi vjen në një moment delikat të sezonit, teksa klubi londinez mbetet ende në garë për objektiva të rëndësishëm në disa fronte. Gjatë periudhës së tij në Stamford Bridge, Maresca arriti suksese të konsiderueshme, duke udhëhequr Chelsean drejt fitimit të UEFA Conference League dhe FIFA Club World Cup. Klubi thekson se këto trofe do të mbeten një pjesë e rëndësishme e historisë së fundit të “Bluve”, duke falënderuar trajnerin italian për kontributin e dhënë.
Megjithatë, me synime kyçe ende për t’u realizuar në katër kompeticione, përfshirë edhe kualifikimin në Ligën e Kampionëve, drejtuesit e klubit dhe vetë Maresca kanë vlerësuar se një ndryshim në pankinë i jep ekipit shansin më të mirë për ta rikthyer sezonin në rrugën e duhur.
Chelsea i ka uruar Enzo Marescas suksese në të ardhmen, ndërsa pritet që ditët në vijim të sjellin më shumë qartësi rreth drejtimit të ri teknik të skuadrës. /BS
