Ambasadori i Britanisë së Madhe në Shqipëri, Nicholas Abbott, u takua me kreun e SPAK, Klodian Braho. Në fokus të diskutimeve ishin aktivitetet aktuale të Prokurorisë së Posaçme kundër Korrupsionit dhe Krimit të Organizuar dhe mbështetjen e ardhshme të Britanisë së Madhe për institucionin.
Gjatë takimit, të dy palët theksuan rëndësinë e partneritetit të fortë midis Shqipërisë dhe Mbretërisë së Bashkuar, veçanërisht në përballimin e sfidave të përbashkëta që lidhen me krimin e organizuar serioz.
Ky takim vjen si një konfirmim i bashkëpunimit të vazhdueshëm mes dy vendeve në forcimin e kapaciteteve ligjore dhe institucionale për parandalimin dhe goditjen e veprimtarisë kriminale.
“Ambasadori britanik, Nicholas Abbott, u takua me kreun e SPAK, Klodian Braho, për të diskutuar mbi punën e vazhdueshme dhe mbështetjen e ardhshme të Britanisë së Madhe për SPAK.
Të dy konfirmuan partneritetin e fortë midis Britanisë së Madhe dhe Shqipërisë, veçanërisht në adresimin e çështjes së përbashkët të krimit të organizuar serioz”, thuhet në njoftimin e ambasadës britanike, transmeton rtsh.
