Të nderuar qytetarë të Republikës së Maqedonisë së Veriut,
Ju informoj se, deri në fillim të muajit gusht, do të jem në pushim vjetor. Gjatë kësaj periudhe nuk do të jem në mundësi t’u përgjigjem kërkesave, pyetjeve apo komunikimeve të drejtpërdrejta që lidhen me aktivitetet dhe angazhimet e mia.
Megjithatë, dëshiroj t’ju siguroj se shërbimet konsullore dhe administrative të Ambasadës së Republikës së Maqedonisë së Veriut në Bernë do të vazhdojnë të ofrohen sipas procedurave të rregullta. Për çdo informacion, kërkesë, asistencë konsullore apo çështje tjetër që mund të keni gjatë kësaj kohe, ju lutem t’i drejtoheni Ambasadës përmes adresës zyrtare të postës elektronike: bern@mfa.gov.mk.
Institucionet tona mbeten të përkushtuara për t’u ofruar qytetarëve mbështetjen dhe shërbimet e nevojshme, pavarësisht periudhës së pushimeve. Prandaj, ju inkurajoj që për çdo nevojë të shfrytëzoni kanalet zyrtare të komunikimit me Ambasadën. Shpreh mirënjohjen time për mirëkuptimin, besimin dhe bashkëpunimin tuaj të vazhdueshëm. Është kënaqësi të jem në shërbim të bashkëatdhetarëve tanë dhe të kontribuoj në forcimin e lidhjeve ndërmjet qytetarëve tanë dhe institucioneve të Republikës së Maqedonisë së Veriut. Ju uroj të gjithëve shëndet, mbarësi dhe një periudhë të qetë verore. Me kënaqësi do t’i rikthehem angazhimeve dhe komunikimit me ju në fillim të muajit gusht.
Me respekt,
Ambasadori
Rexhep Demiri
