Nis sonte Festivali i Pranverës. Nata e parë do të mbledhë në Teatrin Kombëtar të Operas dhe Baletit artistë dhe artdashës në një spektakël magjik me të gjitha notat.
Organizatorët e “Festivalit të Pranverës” në Radio Televizionin Shqiptar kanë bërë publikë emrat e anëtarëve të dy jurive vlerësuese, si dhe strukturën e votimit për edicionin e këtij viti. Festivali do të transmetohet “live” në rrjetin e RTSH 1 HD, RTSH Muzikë dhe Radio Tirana si dhe në kanalin e You Tube të RTSH.
Përbërja e dy jurive vlerësuese
Vlerësimi i artistëve në këtë festival do të bëhet përmes dy paneleve paralele:
Juria Profesionale, e përbërë nga emra mjaft të njohur në fushën e artit:
Eriona Rushiti
Ledina Çelo
Kejsi Tola
Kamela Islamaj
Markelian Kapidani
Krahas saj, do të funksionojë edhe Juria e “Pranverës Digjitale”, e cila përfshin figura nga bota e artit, marketingut, biznesit dhe moderimit:
Sarah Berisha – Influencer/Sipërmarrëse
Amos Zaharia – Aktor
Krista Merkoçi – Menaxhere Marketing & Shitje
Arjon Muça – Moderator
Rizarta Hoxha – Moderatore/Influencer
Formula e votimit
Për përcaktimin e këngës fituese vendimi përfundimtar do të merret ekskluzivisht nga vlerësimi i kombinuar i të dyja jurive, sipas një formule të paracaktuar që i jep përparësi aspektit teknik dhe atij profesional.
Formula e vlerësimit do të jetë e ndarë në këtë raport:
60% e peshës së votës do t’i takojë Jurisë Profesionale.
40% e peshës së votës do t’i takojë Jurisë “Pranvera Digjitale”, transmeton rtsh.
