Skuadra ambicioze e Shkëndijës së Haraçinës po punon në merkato, teksa sonte ka prezantuar dhe afrimin e ri. Suhejb Rushiti shtë lojtari më i ri i të kuqezinjve nga Haracina.
Ai ka ardhur nga Slloga Vinica, ndërsa ka luajtur edhe për Detonit nga Radovishi. Gostivari, Skopje, Vardar Forina, Shkupi e Metalurg.
Rushiti, 25-vjecar, luan si mesfushor defensiv. Është kjo prurja e katërt e haracinasve në këtë afat kalimtar, pas Vladimir Zhoglev, Mahir Ajrullit dhe Antonio Stolevski.
“KF Shkëndija Haraçinë prezanton mesfushorin mbrojtës Suhejb Rushiti
KF Shkëndija Haraçinë ka kënaqësinë të njoftojë angazhimin e futbollistit Suhejb Rushiti, i cili i bashkohet skuadrës sonë si përforcim në repartin e mesfushës.
Suhejb Rushiti aktivizohet në pozitën e mesfushorit mbrojtës, duke sjellë stabilitet, disiplinë taktike dhe balancë në lojën e ekipit.
Së fundmi, ai ka qenë pjesë e FK Slloga Vinica, ku ka regjistruar paraqitje të qëndrueshme dhe angazhim profesional”:, – njofton klubi./BS
