Zagreb, 17 dhjetor 2025 – Takimet institucionale në nivel të lartë, si ai i zhvilluar në Ministrinë e Punëve të Jashtme dhe Evropiane të Republikës së Kroacisë me Drejtorin e Drejtorisë për Çështje Multilaterale, z. Sebastjan Rogač, përbëjnë një ogur të mirë dhe një kontribut të çmuar në forcimin e dialogut institucional dhe thellimin e bashkëpunimit ndërmjet shteteve në planin shumëpalësh.
Këto takime krijojnë një hapësirë të rëndësishme për shkëmbimin e qëndrimeve lidhur me sfidat aktuale ndërkombëtare, për koordinimin e pozicioneve në kuadër të organizatave dhe forumeve multilaterale, si dhe për ndërtimin e një mirëkuptimi të qëndrueshëm mbi prioritetet strategjike të përbashkëta. Dialogu i hapur dhe profesional kontribuon në qartësimin e vizioneve dhe në afrimin e qëndrimeve për çështje me rëndësi rajonale dhe globale.
Në të njëjtën kohë, këto takime afirmojnë angazhimin e ndërsjellë për respektimin e parimeve të multilateralizmit, të së drejtës ndërkombëtare dhe të bashkëpunimit konstruktiv. Ky angazhim përbën një bazë të fortë për promovimin e paqes, sigurisë dhe zhvillimit të qëndrueshëm, si dhe për forcimin e stabilitetit rajonal.
Takimi në MVEP të Kroacisë, për të cilin njofton Ambasada e Republikës së Kosovës në Kroaci dhe Ambasadori Prof. Dr. Martin Berishaj, dëshmon përkushtimin e vazhdueshëm për thellimin e partneritetit politik dhe institucional. Ky partneritet, përmes dialogut të strukturuar dhe bashkëpunimit konkret, synon të jetë më efektiv dhe më i orientuar drejt rezultateve të prekshme në arenën ndërkombëtare, transmeton helveticALforum.ch
