Mërgata shqiptare në Zvicër vazhdon të mbetet forcë e pazëvendësueshme për kombin tonë, duke ruajtur me përkushtim gjuhën, kulturën dhe traditat shqiptare ndër breza. Edhe këtë vit, solidariteti dhe sporti i bashkojnë bashkatdhetarët tanë në një aktivitet tashmë tradicional.
Turneu i 2-të i Futbollit në Sallë “Koretini 2025” – më 07 dhjetor
Shoqata Koretini në Zvicër po organizon edicionin e dytë të turneut humanitar të futbollit në sallë, një ngjarje që mbledh sportdashës nga trojet dhe diaspora. Interesimi është i madh dhe përgatitjet po zhvillohen sipas planit.
Mes ekipeve pjesëmarrëse do të jetë edhe ekipi i Shoqatës Humanitare “Topanica”, nën drejtimin e Prof. Burhan Morina, i cili u shpreh:
“Ky organizim është i shkëlqyer dhe ne e mirëpritëm menjëherë ftesën. Do të vazhdojmë të mbështesim çdo nismë që i shërben komunitetit tonë.”
Sport, argëtim dhe humanizëm
- Vetëm 24 ekipe do të garojnë në turne.
- Për pjesëmarrësit dhe vizitorët do të ketë kuzhinë të ngrohtë dhe pije freskuese.
- Të gjitha të ardhurat do të dedikohen për projekte bamirësie, duke e kthyer sportin në ndihmë konkrete për njerëzit në nevojë.
Regjistrimet janë të hapura në: futsal2025.koretini.me
Bashkohuni në këtë festë sporti dhe solidariteti – sepse mërgata jonë gjithmonë ka ditur të ndihmojë dhe të bashkohet për të mirën e përbashkët.
Sponsor medial HelveticALforum.ch
