Përgatiti Dashnim HEBIBI
Më 1 dhjetor 2025, Ambasadori i Republikës së Maqedonisë së Veriut në Gjermani, Prof. Dr. Ylber Sela, i shoqëruar nga Vasko Gerkov, zhvilloi një takim zyrtar me Drejtoreshën e Akademisë Diplomatike pranë Ministrisë së Jashtme të Gjermanisë, znj. Andrea Berdesinski.
Gjatë takimit u diskutua për mundësitë e intensifikimit të bashkëpunimit ndërmjet institucioneve kompetente në fushën e diplomacisë, trajnimeve profesionale dhe shkëmbimeve institucionale. Të dyja palët shprehën gatishmëri për të avancuar projekte të përbashkëta që do të kontribuojnë në forcimin e kapaciteteve diplomatike dhe në thellimin e marrëdhënieve bilaterale.
Ambasadori Sela vlerësoi rolin e Akademisë Diplomatike gjermane si një partner kyç në zhvillimin e politikave të jashtme moderne, ndërsa Drejtoresha Berdesinski theksoi rëndësinë e bashkëpunimit me vendet e Ballkanit Perëndimor në kuadër të proceseve evropiane, transmeton helveticALforum.ch
Takimi u mbyll me dakordësimin për të vijuar komunikimin dhe për të konkretizuar iniciativat e përbashkëta në periudhën në vijim.
