Instituti Shkencor Helvetik i Evropës Juglindore drejton këtë portal me një vizion të qartë dhe të sinqertë: të shërbejë si hapësirë e lirë, e pavarur dhe e hapur për mendimin, krijimin dhe bashkëpunimin kulturor e intelektual ndërmjet njerëzve të dijes, artit dhe shpirtit të lirë. Në këtë platformë as bashkëpunëtorët dhe as stafi i redaksisë nuk përfitojnë pagesë mujore. Puna zhvillohet plotësisht në mënyrë vullnetare, me bindjen se fjala e lirë, kur vjen nga ndërgjegjja dhe dashuria për të mirën, është më e vlefshme se çdo shpërblim material. Qëllimi ynë është të forcojmë dhe ruajmë urat e miqësisë dhe bashkëpunimit kulturor me miqtë tanë ndërkombëtarë — veçanërisht me Zvicrën, si atdhe të dytë që është për ne shqiptarët, si dhe me shtetet e tjera mike që ndajnë të njëjtat vlera të paqes, dinjitetit dhe respektit. Prandaj, ftojmë të gjithë dashamirët e fjalës së lirë, krijuesit, studiuesit dhe mendimtarët me shpirt paqësor e human të bashkohen me ne. Ne mirëpresim ata që nuk e shohin fitimin material si qëllim të parë, por që e kuptojnë se kontributi për një shoqëri të mirë, të drejtë dhe të ndriçuar është shpërblimi më i madh. Shkrimet tona nuk kanë për qëllim klikimet apo përfitimet, por të shërbejnë për të mirën e përbashkët, për të ndërtuar ura miqësie dhe mirëkuptimi përmes fjalës, mendimit dhe shpirtit të lirë. Ju mirëpresim me zemër të hapur – ju që shkruani me shpirt dhe besoni në fuqinë e fjalës që ndërton, bashkon dhe ndriçon.

Kontakt

info@helveticALforum.ch

Adresa:

Pejë, Kosovë

Me shpresë që në një të ardhme të afërt të kemi redaksi edhe në:

Zürich, Wien, Budapest, Zagreb, Ljubljan, Bruksel, Uashington, Tiranë, Ulqin, Shkup, Preshevë dhe Berlin.