Nga Majlinda Sulejmani, Nënkryetare – Federata e Mjekëve në Evropë – Seksioni i Zvicrës
Të nderuar kolegë e profesionistë të sektorit shëndetësor,
Në cilësinë e Nënkryetares së Federatës së Mjekëve Shqiptarë në Evropë, Seksioni i Zvicrës, dëshiroj t’ju njoftoj se aktualisht jemi në proces të zgjerimit të kryesisë sonë.
Qëllimi ynë është të forcojmë përfaqësimin profesional të gjithë profesionistëve shqiptarë të fushës së mjekësisë dhe shëndetësisë që veprojnë në Zvicër, si dhe të avancojmë bashkëpunimin me institucionet shëndetësore në nivel kombëtar dhe evropian.
Federata jonë shërben si një platformë bashkimi për mjekë, infermierë, terapistë, koordinues shëndetësorë, si dhe profesionistë të tjerë që kontribuojnë në sistemin shëndetësor. Synimi ynë është të krijojmë një rrjet të fortë profesional, ku vlerat e dijes, përkushtimit dhe solidaritetit të jenë në qendër të çdo iniciative.
Në këtë kuadër, po kërkojmë persona të përkushtuar, me integritet dhe vizion profesional, të cilët dëshirojnë të bëhen pjesë e kryesisë së seksionit të Zvicrës dhe të kontribuojnë në zhvillimin e mëtejshëm të federatës.
Të interesuarit janë të lutur të paraqesin interesimin e tyre përmes kontaktit direkt ose nëpërmjet adresës elektronike të federatës.
Bashkë mund të ndërtojmë një komunitet më të fortë, që i jep zë profesionistëve shqiptarë në mjekësi dhe shëndetësi në mbarë Evropën. /SAM24.info