Lionel Messi është pranë përfundimit të kontratës së tij me Inter Miami, por sipas raportimeve të fundit, klubi nga Florida ka arritur marrëveshje për rinovimin e saj. Bisedimet janë në fazë të avancuar dhe kanë mbetur vetëm disa detaje teknike për t’u finalizuar.
Sipas “The Athletic”, e ardhmja e yllit argjentinas në Amerikën e Veriut do të vazhdojë. Marrëveshja për rinovimin është thuajse e sigurt, me të gjitha palët që kanë rënë dakord për kushtet kryesore, ndërsa mungon vetëm zyrtarizimi.
Messi i ishte bashkuar Inter Miami në korrik të vitit 2023 dhe deri më tani ka shënuar dyzet e dy gola dhe ka dhënë njëzet e një asistime në dyzet e tetë ndeshje. Ai ka ndihmuar ekipin të fitojë trofeun “Supporter’s Shield”, duke siguruar pjesëmarrjen në Kampionatin Botëror për Klube, ku Inter Miami do të përballet me FC Porto, Al Ahly dhe Palmeiras, njofton rtk.
