/Morcote, 22.03.2025/
Nga Dashnim HEBIBI
Është koha që të dy shtetet tona të bëjnë realitet vendosjen e përmendores dhe sheshit që do të mbajë emrin e tij.
Aleksandër Moisiu, një ikonë që mirëpret përjetësinë. Sot, në 90-vjetorin e ndarjes nga jeta të Aleksandër Moisiut, kujtimi i tij mbetet më i gjallë se kurrë. Në Morcote të Zvicrës, aty ku ai pushton përjetësisht, po merr formë një projekt i madh që do ta bëjë këtë vend një pikë referimi për artin dhe kulturën shqiptare e botërore.
Me lejen tashmë të siguruar nga Komuna e Morcotes, është koha që të dy shtetet tona të bëjnë realitet vendosjen e përmendores dhe sheshit që do të mbajë emrin e tij. Punimi i bustit është kryer dhe tani mbetet vetëm hapi final—vendosja e kësaj kryevepre në nder të një prej aktorëve më të mëdhenj që ka njohur teatri evropian.
Sot e përkujtuam Aleksandër Moisiun me respekt dhe përkushtim, por nderimi i vërtetë do të jetë kur emri i tij të ketë një vend të denjë në Morcote. Kjo nuk është vetëm një çështje kujtimi, por një amanet për gjeneratat e reja, që të mësojnë dhe të frymëzohen nga një figurë që bëri histori në artin skenik.
Le ta përkrahim këtë projekt për hir të kulturës, identitetit dhe brezave që vijnë!
Bashkë mund ta bëjmë këtë ëndërr realitet. Nuk është me rëndësi se kush e ka filluar, por me rëndësi ta realizojmë!
Së shpejti një reportazh në helveticALforum.ch
SAM24.info dhe disa media të tjera.
