Përgatiti Dashnim HEBIBI
Data 28 mars tashmë ka mbetur paksa larg nga dita e sotme dhe, natyrisht, ky reportazh mund të duket i vonuar. Por kjo vonesë ka arsyen e vet: sa herë që përpiqesha ta përmbyllja shkrimin, ndalesha te fjala e fundit, sepse ndjeja se duhej të shtoja edhe më shumë nga ajo që përjetuam atë natë të veçantë në kryeqytetin e Kosovës, në Prishtinë.
Ngjarja, e organizuar nga Dr. Dërgut Aliu, ishte një ndërthurje e tri momenteve të rëndësishme: 30-vjetori i Spitalit “Lindja”, 40-vjetori i punës së tij si mjek dhe prezentimi i librit të dedikuar enkas për jetën dhe veprimtarinë e tij. Ishte një mbrëmje që nuk përshkruhet lehtë me fjalë, sepse çdo moment kishte peshën dhe emocionin e vet. Thuhet shpesh se ajo që shkruhet, mbetet. Pa dyshim, video-incizimet dhe fotografitë kanë shpirtin e tyre dhe flasin vetë, duke ruajtur momente të papërsëritshme. Por edhe fjala e shkruar ka një peshë të veçantë, sepse përpiqet të përçojë ndjenjat dhe përjetimet që vetëm zemra mund t’i përshkruajë plotësisht. Nëse do ta përmblidhja këtë mbrëmje me pak fjalë, do të thosha vetëm një gjë: arritjet e mëdha në çdo fushë të jetës nuk duhet të mbahen vetëm për vete.
Foto: Dr.Dërgut Aliu me familje
Ato duhen ndarë me të tjerët dhe duhet të shërbejnë si frymëzim për gjeneratat që vijnë. Dhe pikërisht këtë e mishëron më së miri figura e Dr. Dërgut Aliu. Është e pamundur ta shohësh atë të tërhequr apo të rezervuar; përkundrazi, ai shkrihet për miqtë, për bashkëpunëtorët dhe për njerëzit që e rrethojnë. Por kur vjen puna te profesioni, ai është shembull i përkushtimit dhe seriozitetit maksimal. Kjo është arsyeja pse ka arritur suksese të mëdha në karrierën e tij dhe sot gëzon një autoritet të merituar te të gjithë. Rezultatet e punës së tij janë të dukshme dhe flasin më shumë se çdo fjalë. Ai nuk është vetëm një mjek i suksesshëm, por edhe një model frymëzimi për brezat e rinj—një dëshmi e gjallë se puna, përkushtimi dhe dashuria për profesionin sjellin vlera të qëndrueshme dhe respekt të përhershëm. Kjo mbrëmje në Prishtinë nuk ishte thjesht një festë për një individ, por një reflektim i një jete të tërë në shërbim të të tjerëve—një histori që meriton të tregohet, të shkruhet dhe, mbi të gjitha, të kujtohet.
Foto: Dr. Dërgut Aliu me bashkëshorten e tij dhe familjen e bashkëshortes
Një natë që hyri në kujtesën kolektive – në Prishtinë një emocion i rrallë për jetën dhe misionin e Dr. Dërgut Aliut
Ka mbrëmje që kalojnë…
dhe ka mbrëmje që mbeten histori.
Ajo e 28 marsit në Prishtinë nuk ishte thjesht një datë në kalendar. Ishte një përjetim i rrallë, një bashkim emocionesh, një reflektim i thellë mbi jetën, sakrificën dhe misionin e një njeriu që ka qenë prezent në momentet më të shenjta të mijëra familjeve shqiptare. Edhe sot, kur kujtohet ajo natë, nuk kujtohen vetëm fjalët, as vetëm muzika, as vetëm ceremonia. Kujtohet ndjenja. Kujtohet ngrohtësia. Kujtohet madhështia e modestia. Sepse në thelb, ajo ishte një natë e veçant emocionesh.
Kur një qytet bëhet skenë mirënjohjeje
Prishtina atë natë nuk ishte thjesht kryeqytet. Ajo ishte një skenë ku u bashkua kombi. Nga të gjitha anët – nga Kosova, Shqipëria, Lugina e Preshevës, Maqedonia e Veriut, Mali i Zi, por edhe nga diaspora në Zvicër, Itali, Hungari e më gjerë – njerëzit erdhën jo për një festë të zakonshme, por për të nderuar një mision.
Një mision që mban emrin e Dr. Dërgut Aliut
Në sallë nuk kishte vetëm të ftuar. Kishte histori. Kishte kujtime. Kishte njerëz që në një moment të jetës së tyre kishin kaluar nëpër duart e tij – ose kishin sjellë në jetë fëmijët e tyre falë përkushtimit të tij.
Foto: Pasardhësi i Ismail Qemalit, Darling Vlora i dhuron ekzemplarin e parë të librit
Një jetë që nuk matet me vite, por me fillime
Në një nga momentet më domethënëse të mbrëmjes u artikulua një ide që përmbledh gjithë jetën e doktorit:
“Ka jetë që maten me vite… dhe ka jetë që maten me gjurmë.” Dr. Aliu i përket këtyre të fundit.
Mbi 15 mijë lindje.
Mbi 15 mijë fillime të reja.
Mbi 15 mijë histori që vazhdojnë të jetojnë. Por ajo që e bën këtë shifër të jashtëzakonshme nuk është numri – është pesha emocionale e secilës prej tyre. Sepse çdo lindje është një univers më vete. Një moment ku jeta fillon. Dhe aty, në atë kufi mes frikës dhe gëzimit, ai ka qenë gjithmonë i pranishëm. Rrugëtimi përmes sfidave – një histori që frymëzon Rruga e tij nuk ishte e shtruar.
Nga fillimet në Fakultetin e Mjekësisë në vitin 1978, deri te specializimet në kushte jo të lehta, ai ndërtoi një karrierë hap pas hapi, pa bujë, por me përkushtim të jashtëzakonshëm. Vitet ’90 ishin një provë e madhe. Shumë profesionistë u detyruan të ndaleshin. Shumë ëndrra u ndërprenë. Por ai zgjodhi të mos ndalet. Në vitin 1996, në një kohë kur pasiguria ishte pjesë e përditshmërisë, ai themeloi Spitalin “Lindja”.
Ishte një akt guximi.
Ishte një akt besimi.
Ishte një akt vizioni.
Dhe sot, ai institucion është një nga shtyllat më të rëndësishme të kujdesit për nënën dhe fëmijën.
Foto: Kryetari i komunës së Bujanocit, Arbër Pajaziti duke ia ndarë mirënjohjen
Edhe në luftë – në anën e jetës
Ka momente në histori që e tregojnë vërtet madhështinë e një njeriu. Gjatë luftës në Kosovë, kur jeta ishte e pasigurt dhe çdo ditë sillte rrezik, Dr. Aliu nuk u largua nga misioni i tij. Ai vazhdoi të ndihmojë. Të shërojë. Të shpëtojë. Kontributi i tij për të plagosurit dhe për njerëzit në nevojë mbetet një kapitull i rëndësishëm, që nuk mund të anashkalohet në asnjë rrëfim për jetën e tij. Prandaj edhe u nderua me medalje presidenciale nga shteti shqiptarë, Ambasador i Paqes, mirënjohje nga OVL dhe shumë mirënjohje të tjera me mbi dhjetëra konferenca shkencore e kështu me radhë.
Një mbrëmje me emra që flasin vetë
Ajo natë u karakterizua edhe nga një prani e jashtëzakonshme figurash publike, që i dhanë dimension kombëtar dhe historik ngjarjes, familjarë nga Lugina e Preshevës, nga Kosova, me një fjalë nga e gjithë shqiptaria. Në mesin e të pranishmëve ishte djali i presidentit historik Ibrahim Rugova, Ukë Rugova – një prani që solli emocion dhe simbolikë të veçantë shtetformuese.
Foto: Ukë Rugova duke e uruar doktorin dhe duke i përshëndetur të pranishmit
Gjithashtu, në këtë mbrëmje morën pjesë:
Shaip Kamberi
Ismet Beqiri
Arbër Pajaziti
Nga fusha diplomatike dhe kombëtare u veçua Flamur Gashi, ndërsa një dimension historik të veçantë solli prania e pasardhësit të Ismail Qemali, z. Darling Vlora me nipin e tij, Igli Vlora dhe publicisti Arsim Mulliqaj, që jetojnë e veprojnë në Milano. Nga diaspora, pjesëmarrja e Rafet Ademi, Avni Hafuzi, Fadil Selmani dhe shumë të tjerë nga Zvicra e Evropa tregoi qartë se ndikimi i doktorit tejkalon kufijtë. Ndërkohë, figura akademike si Prof. Dr. Xhavit Lipaj që kishte ardhur enkas nga Zvicra i dhanë peshë shkencore dhe dokumentare kësaj ngjarjeje te pjesa e librit që është edhe redaktor i tij.
Një mbrëmje që rridhte si një tregim
Programi nuk ishte thjesht një renditje fjalimesh. Ishte një tregim. Një rrëfim që kalonte nga emocionet te reflektimi, nga kujtimet te arti, nga serioziteti te buzëqeshja. Çdo fjalë kishte peshë. Çdo moment kishte kuptim. Kulmi emocional erdhi kur në skenë dolën nipi dhe mbesa e doktorit, Bjora Aliu, mbesa e dokit 10 vjeçare dhe Jori nipi 11 vjet bukuroshi me disa fjalë shumë të ëmbla por me emocione.
Me fjalë të bukura dhe të sinqerta, ata prekën zemrat e të gjithëve. Në ato çaste, figura e doktorit u pasqyrua edhe nga titujt dhe mbeti ajo që është në thelb nbi të gjitha: një njeri familjar, një mik i drejtë e besnik. Nuk mungoi edhe një film i shkurtërt dokumentar prej 8 minutash e punuar nga stafi i marketingut të spitalit Lindja në Prishtinë.
Foto: Prof. Dr. Hajredin Kuçi me një fjalë përshëndetëse
Arti si gjuhë universale e shpirtit
Në një mbrëmje të tillë, arti nuk mund të mungonte. Artistja e madhe Eli Fara që kishte ardhur enkas nga Shqipëria me stafin e saj solli një dimension emocional të jashtëzakonshëm me zërin e saj të veçantë, sidomos me këngën kushtuar themeluesit të shtetit shqiptar, Ismail Qemalit dhe përballë kishte pasardhësin e tij Darlingun dhe Iglin. Ndërsa Visar Peja riktheu traditën dhe shpirtin e këngës qytetare shqiptare. Në ato momente, muzika nuk ishte thjesht argëtim. Ishte përjetim.
Një dokumentar që foli me zemër
Një ndër momentet më të fuqishme ishte edhe prezantimi i dokumentarit të shkurtër nga stafi i Spitalit “Lindja”. Fotografi, dëshmi, histori pacientësh – të gjitha u ndërthurën për të treguar një të vërtetë modeste: Ndikimi i një mjeku nuk matet me diploma, por me jetët që prek.
Libri – përpjekje për të kapur një jetë të madhe
Prezentimi i librit kushtuar Dr. Aliut ishte një tjetër kulm i mbrëmjes. Por siç u tha me shumë sinqeritet, asnjë libër nuk mund ta përmbledhë plotësisht një jetë të tillë. Në këtë frymë u përmend edhe Faik Konica, duke kujtuar se çdo vepër e madhe është gjithmonë përtej fjalëve.
Familja – rrënja e çdo suksesi
Pas çdo suksesi qëndron një histori e heshtur. Në rastin e Dr. Aliut, ajo histori quhet familje. Bashkëshortja Sevdije, fëmijët dhe nipërit e mbesat janë pjesë e pandashme e këtij rrugëtimi. Sepse asnjë njeri nuk arrin vetëm.
Një mesazh përtej kohës
Në fund, ajo që mbeti nuk ishte vetëm ceremonia.
Ishte mesazhi:
“Të jesh mjek është një prestigj i madh, por të mbetesh mjek është një obligim i madh.”
Një natë që do të jetojë gjatë
Ajo mbrëmje nuk ishte thjesht një event.
Ishte një kujtesë.
Një reflektim.
Një frymëzim.
Një dëshmi se kur një njeri punon me shpirt, ai nuk lë vetëm gjurmë në profesion – por në jetë. Dhe për këtë arsye, ajo natë në Prishtinë nuk do të harrohet kurrë. Sepse ishte një natë ku u nderua jeta… duke festuar jetën. Në fund të kësaj mbrëmjeje, mbetet një e vërtetë e thjeshtë, por e fuqishme: disa njerëz nuk jetojnë vetëm jetën e tyre – ata bëhen pjesë e jetës së të tjerëve. Dr. Dërgut Aliu është një prej tyre. Ky jubile nuk ishte thjesht një festë për vite pune apo një përvjetor institucional. Ishte një dëshmi se përkushtimi i sinqertë, sakrifica dhe dashuria për profesionin mund të krijojnë një trashëgimi që nuk shuhet kurrë. Në çdo fëmijë që ka ardhur në jetë falë tij, në çdo familje që ka buzëqeshur, në çdo nënë që ka gjetur siguri në duart e tij – aty jeton vërtet kontributi i tij.
Prishtina atë natë i gjasoi edhe Bujanocit dhe festuan njëso, në Bujanoc lindi e u rrit e në Prishtinë e shkriu jetën.
U festua për jetën, për kontributin e madh edhe kombëtar e humanitar. Festoi humanizmin. Festoi shpresën që lind edhe në kohët më të vështira. Dhe ndoshta emocioni më i madh që mbetet është ky: se në një botë që shpesh nxiton dhe harron, ende ka njerëz që ndërtojnë përjetësi përmes kujdesit të përditshëm.
Dr.Dërgut Aliu i ndanë mirënjohje pasardhësit të Ismail Qemalit dhe disa miqëve të tjerë
Kjo nuk ishte vetëm një natë për t’u kujtuar.
Ishte një kujtesë se çfarë do të thotë të jesh njeri. Mbrëmja festive nisi me pritjen e ngrohtë të mysafirëve nga Dr. Dërgut Aliu, i cili së bashku me bashkëshorten e tij dhe fëmijët – dy djemtë dhe vajzën – mirëprisnin secilin të ftuar dhe i drejtonin në vendet e tyre, duke krijuar që në fillim një atmosferë familjare dhe plot respekt. Programin e hapi miku i doktorit e që kësaj here e kishte rolin e moderatorit PhD. Dashnim Hebibi, i cili përshëndeti të pranishmit dhe ftoi doktorin për fjalën hyrëse, duke shpallur zyrtarisht hapjen e mbrëmjes.
Pas kësaj, me lejen e doktorit, të gjithë të pranishmit u ngritën në këmbë dhe me një duartrokitje të fuqishme nderuan mjekët dhe dëshmorët ndër vite. Ishin momente emocionuese. Në vijim nisi pjesa artistike, ku në skenë u ngjit Eli Fara, duke sjellë emocione të veçanta dhe duke i dhënë mbrëmjes një frymë të fuqishme artistike. Salla e hotelit Venus në Prishtinë ishte e jashtëzakonshme edhe me personal profesionistë. Një moment shumë prekës ishte paraqitja e mbesës dhe nipit të doktorit – Bjorës dhe Jorit – të cilët me fjalë të sinqerta dhe plot dashuri i drejtuan disa mesazhe gjyshit të tyre, duke emocionuar të gjithë sallën.
Në pjesën e mëtejme, fjala iu dha shumë personaliteteve të pranishme, të cilët vlerësuan dhe uruan doktorin për kontributin e tij ndër vite. Ndër ta ishin Ukë Rugova, Hajredin Kuçi, Flamur Gashi, Ismet Beqiri, Avni Hafuzi, si dhe Dr. Arben Rrugia, e shumë të tjerë.
Një moment i veçantë ishte promovimi i librit kushtuar jetës dhe veprës së doktorit. Për librin foli edhe redaktori i tij, Prof. Dr. Xhavit Lipaj, i cili kishte ardhur enkas nga Zvicra, duke vlerësuar figurën dhe kontributin shumëvjeçar të doktorit. Gjithashtu, nga Zvicra kishte ardhur posaçërisht edhe Fadil Selmani, një figurë e njohur nga Medvegja, për të nderuar këtë ngjarje të rëndësishme. Ekzemplari i parë i librit iu dhurua Dr. Dërgut Aliu nga pasardhësi i Ismail Qemali, Darling Vlora, duke i dhënë këtij momenti një simbolikë të veçantë kombëtare. Po ashtu, në shenjë respekti dhe vlerësimi, doktorit iu nda mirënjohje nga kryetari i Komunës së Bujanocit, Arbër Pajaziti.
Në vazhdim të programit artistik, në skenë u ngjit Visar Peja, i cili solli atmosferë festive me këngë qytetare dhe ahengu, duke e mbajtur gjallë ritmin e mbrëmjes. Kulmi i festës u shënua me prerjen e tortës, e cila u shpërnda për të gjithë të pranishmit, në shenjë festimi të dy jubileve të rëndësishme: 30-vjetorit të Spitalit “Lindja” dhe 40-vjetorit të veprimtarisë së Dr. Dërgut Aliu si mjek.
Në përmbyllje, doktori mori fjalën për të falënderuar të gjithë të pranishmit, duke shprehur mirënjohje të veçantë për familjen – bashkëshorten, djemtë dhe vajzën – si dhe për miqtë e shumtë që e nderuan me pjesëmarrjen e tyre.
Mbrëmja u mbyll në një atmosferë festive, me muzikë, urime dhe emocione që do të mbeten gjatë në kujtesë.
Foto nga Spitali LINDJA
